Айжан Байзақоваға есірткі пайдаланды деген айып тағылды
Актриса әрі блогер Айжан Байзақоваға наркологиялық сараптамадан өтуге тура келді. Жол полициясының қызметкері бойжеткенді «есірткі пайдаланып көлік жүргізді» деп айыптап, наркологияға талдама тапсыруға жеткізді. Жағымсыз жағдаймен бойжеткен Инстаграмдағы жеке парақшасы арқылы бөлісті:
«Бір ай бұрын. Уақыт, балалар, күндізгі сағат 2-3 шамасы. Мен Сатпаевтің бойымен Фурмановқа жетпей кетіп бара жатқан едім, бір кезде оңға тоқтауымды өтінді... Жарайды, құжаттар өзімде, қай жерде жол ережесін бұздым деп ойладым? Маған қызметкер келіп, артық сөзсіз сараптамаға бірге баруымды өтінді, олар мені есірткі пайдаланды деп ойлаған. Мен қатты таң қалдым. Кешігіп бара жатсам да, бірге баруға келістім. Ол менің рөліме отырды да, осылайша наркологияға тартып кеттік».
Айжанның айтуынша, наркологиялық орталыққа барар жолда қызметкер одан мойындауды талап еткен. Алайда, бойжеткен өз көзқарасын білдіріп, соңына дейін барды да, есірткі пайдаланбағанын дәлелдеді.
«Ол мұны күтпеген сияқты. Әрине, қорытындысы керісінше болып шықты, зәрден алкоголь де, есірткі де табылмады. Мен сол парақшаны абыроймен алып тұрсам, қызметкер маған: «Кешірім өтінемін, сіздің есірткі пайдаланғаныңызға сенімді едім, өйткені сіз Байзақовасыз ғой», - дейді. Содан??? Мен күндіз шегіп алып, рөлге отырады дейсіз бе? Менің арықтығым нашақор екенімді білдірмейді ғой. Мен шөп шекпеймін, сондықтан әуре болмаңыз», - деп түсіндірді актриса.
Айжан Байзақова әңгімесінің соңында жол полициясымен арадағы мәселені ешқашан пара беріп шешпейтінін, айыппұлды адал ниетпен төлейтінін айта кетті.
Превью: Айжан Байзақованың жеке Instagram парақшасынан
.jpg)
пікірлер жоқ, бірінші болыңыз
Пікір қалдыру үшін