Александр Сокуров Екінші дүниежүзілік соғыс саясаты туралы фильм түсірмек
Көптеген халықаралық фестивальдердің лауреаты, ресейлік режиссер Александр Сокуров («Франкофония», «Фауст») Екінші дүниежүзілік соғыс саясаты туралы фильмнің түсіріліміне кірісті. Режиссер картинамен Италияда және Ресейде айналысып жатыр. Бұл туралы картинаның қосалқы продюсері Алена Шумакованың сөзіне сүйене отырып, ТАСС хабарлады.
Таспа Бенито Муссолини, Адольф Гитлер, Иосиф Сталин және Уинстон Черчиллді қамтиды. «Бұл өткен жағдайды баяндайтын қияли фильм. Кейіпкерлер «ақыреттік» әлемде кездесіп, болған оқиғаларымен бөліседі, әлемдік қақтығысқа әкеп соққан жағдайларды баяндайды», - деді Алена Шумакова.
Бір ерекшелігі, бұл монтажды картина болмақ, Сокуров тарихи хрониканың көріністерін ғана пайдаланбақ. Кадрлар ойнамалы фильмге қарай бағытталады, ал монологтар мен диалогтар кадр сыртында айтылады. Дегенмен, фильмнің кей көріністерін жасау үшін хроникадағы қысқа кадрларды «созуға» тура келеді, оған арнайы эффектілер мен компьютерлі графика қолданылады.
Жобаға ресейлік Госфильмофонд және итальяндық «Институт Луче» атсалысты, екеуінде тарихи хрониканың архивтері көп жинақталған. Картина 2019 жылға қарай дайын болмақ.
пікірлер жоқ, бірінші болыңыз
Пікір қалдыру үшін