Анджелина Джоли мен Джон Войт татуласуға бел буды
Анджелина Джоли әкесімен арадағы қарым-қатынасты жақсартуда. Джолидің әкесі - көрермендерге «Мемлекет дұшпаны» және «Түнгі ковбой» фильмдері арқылы танымал актер, «Оскар» иегері Джон Войт.
«Енді Джон екеуіміз немерелер арқылы қайтадан бір-бірімізді танып жатырмыз. Туыстық қарым-қатынастың жаңа белесіне шығудамыз. Біз үнемі бір қиыншылықтарға тап болатын едік, бірақ мәдениеттің арқасында сөйлесетінбіз. Бұл ортақ әмбебап тіл»,-деп хабарлады 42 жасар актриса The Hollywood Reporter-ге берген сұхбатында, ол жақында «Олар алдымен менің әкемді өлтірді» атты төртінші режиссерлік жұмысын таныстырған болатын.
Екеуінің қарым-қатынасына 2002 жылы сызат түскен еді, сол кезде Войт пен Джоли «Лара Крофт: Мазарларды ұрлаушы» фильмінде әкесі мен қызы ретінде басты рөлдерді сомдаған. Фильм экранға шыққан соң Войт Access Hollywood-ке берген сұхбатында Джолидің «ақыл-ойына қатысты маңызды мәселелері бар» деп айтқан. Ал актриса ресми түрде «Войт» тегінен бас тартқандығын хабарлады. Дегенмен, Джоли ешқашан әкесінің тегін жарияламайтын. «Мен өзімнің жеке тұлға екенімді дәлелдегім келді. Барлық есіктердің «Джонның қызы» болғаным үшін ғана ашылғанын қаламадым»,-деп түсіндірді.
Қазіргі таңда, Джоли және ақырын жүріп, анық басатын әкесі жанұядағы бейбітшілікті сақтаудың құпиясын ашқандай болды. «Біз шынымен де бір-бірімізбен саясат туралы сөйлеспейміз. Біз мәдениет пен өнер жайлы тамаша сұхбаттасамыз»,-деп қорытындылады Анджелина Джоли.
пікірлер жоқ, бірінші болыңыз
Пікір қалдыру үшін