«Чарли періштелері»: Элизабет Бэнкстен қайта жүктеу

28 Шілде, 2018
BrodKaz
1 510
0

Режиссер әрі актриса Элизабет Бэнкс («Мінсіз дауыс 2», «Муви 43») «Чарли періштелері» қайта жүктеуіне түсетін өзінің үш періштесін тапты. Бұл фильмдегі басты рөлдерді Кристен Стюарт («Жеке сатып алушы», «Ақсүйектер өмірі»), Наоми Скотт («Күшті рейнджерлер», «33») және Элла Бэлинска («Таза ағылшындық өлім», «Апат» хикаялары) сомдайды. Элизабет Бэнкс Босли рөлінде осы үштікке қосылады.

Жаңа жобаның сценарийін Крэйг Мазин («Ақшақар мен Аңшы 2») мен Семи Челластың («Жаңа коптар» хикаялары) бұрынғы нұсқаларына сүйеніп, Бэнкстің өзімен бірге Джей Басу («Өрмекші торына түсіп қалған қыз», «Құбыжықтар 2: Тұңғиық континент») жазды. Элизабет Бэнкс «Чарли періштелері» жаңа нұсқасының өндірісімен күйеуі, іскерлік серіктесі, продюсері Макс Хандельманмен («Мінсіз дауыс» франшизасы, «Құрсақ аналар») бірге Brownstone Productions студиясында айналысады.

«Чарли періштелері» комедиялық атыс-шабыс фильмі 2019 жылдың 27 қыркүйегінен бастап айналымға шығады. Афишамызды қарап жүріңіздер.