Әнуар Нұрпейісов саяхат пен кино жайлы сыр шертті
«Қызғылт қоян туралы хикая» фильміндегі рөлі арқылы танылған қазақстандық актер Әнуар Нұрпейісов саяхат туралы шоу түсіріп жатыр. Ол неліктен отандық киноларға түспей жүргенін Ratel.kz интернет басылымына айтып берді.
«Баруға тұрарлық жеті себеп» атты Нұрпейісовтің жаңа жобасы Қазақстан қалаларындағы демалыс орындары туралы көрсетіп, баяндап береді. Бір ай бұрын шоудың тұсаукесерлі шығарылымы шыққан еді, ол кезде Әнуар тобымен бірге Шымкентке барған.
«Біз таңғажайып елде өмір сүріп жатырмыз. Өз отанымыз туралы аз білетіндігімізге таң қаламын. Мен Қазақстанның ерекшелігі, сұлулығы туралы айтуды бұрыннан бері армандап жүрген едім. Уақыты келген сияқты. Мен құмарпаз саяхатшы ретінде бұл жобаны бастапқыда жәй ғана миымда жүзеге асырып жүрдім. Кейіннен ниеттес жандарды жолықтырдым. Осы орайда, отандастарымыздың біраз кертартпа екенін айта кеткім келеді. Барлығы «туризм» сөзінен үрейленетін секілді. Көпшілігінің саяхаттауға мүмкіндігі жоқ шығар, бірақ олар көп шығынданбай ұтымды саяхат ұйымдастыруды біле бермейді. Халқымыз Еуропаға саяхатты Түркияға үш рет барып келумен теңестіреді. Осылайша өздерінше бюджетті есептеп қояды»,-деп бөлісті Нұрпейісов.
Актер кино мансабында отандық фильмдерден көңіл қалдыратын рөлдердің болғанын жасырмады. Дегенмен, Әнуар сапалы картинаға түсуге әрдайым дайын екенін жеткізді. Азамат бір орнында тұрмайды. Нұрпейісов қайырымдылықпен айналысып жатыр. Оның жеңіл қолының арқасында «Almaty Chess Hall» шахмат залы мен шахмат академиясы ашылды. Сондай-ақ, Әнуар Нұрпейісов шахматты ерекше жақсы көретінін жасырмады.
Превью: Әнуар Нұрпейісовтың жеке Instagram парақшасынан алынды
пікірлер жоқ, бірінші болыңыз
Пікір қалдыру үшін