Ануар Нүрпеисов «Мисс Қазақстан - 2016» қатысушыларына пікір білдірді
Жақында қазақстандықтар «Мисс» деген атаққа лайық қызды таңдады. Ол бүкіл әлемдік байқауға Қазақстанның атынан қатысады. Жаңа «Мисс Қазақстан - 2016» қызылорда медициналық колледжінің 18 жастағы студенті Гүлбану Әзімханова.
Әрбір қыз неге ұмтылу керектігін актер, қоғам белсендісі, байқауының қазылар алқасы мүшесі Ануар Нүрпеисов өзінің Instagram парақшасына жазды:
«қыздар, силиконды ерінге, жасанды кірпікке құмартқанды қою керек. Білімдеріңізбен, жақсы істеріңізбен жарысыңыздар. Сіздерде сұлулық деген түсінік мүлде басқаша. Бәріңіз сұлулысыздар!»
Ануар Нүрпеисов өзінің «Мисс Қазақстан» байқауына бұл соңғы қатысуы екенін де айтып қалды.
Қазір актер «Астана жастары» Жастар ресурсы орталығын басқарады, сондай-ақ ол Saryarka short film festival жас режиссерлер арасында қысқаметражды фильмдер байқауын ұйымдастыруда. Фестиваль Астанада 18 желтоқсанда өтеді.
Естеріңізге сала кетейік, Нүрпеисовтың фильмографиясында «16 қыз», «Сказ о розовом зайце», «Земля обетованная», және «Ағайынды» сериалдары бар.
пікірлер жоқ, бірінші болыңыз
Пікір қалдыру үшін