Борис Хлебниковтың «Аритмиясы» «Ника» триумфаторы атанды
1 сәуір күні Мәскеуде 2017 жыл қорытындысы бойынша 31-ші «Ника» ресейлік ұлттық киножүлдесінің салтанатты марапаттау рәсімі өтті. Борис Хлебниковтың «Аритмиясы» мынадай маңызды аталымдарда жүлделі болды: «Үздік ойнамалы фильм», «Үздік режиссерлік жұмыс» (Борис Хлебников), «Үздік сценарийлік жұмыс» (Наталия Мещанинова, Борис Хлебников), «Үздік ер адам рөлі» (Александр Яценко), «Үздік әйел рөлі» (Ирина Горбачева). Режиссердің өзі салтанатты марапаттауға қатысқан жоқ.
Сергей Гармаш («Суық танго»), Владимир Ильин («Алғашқылар дәуірі») және Алиса Фрейндлих («Үлкен», «Үсіген тұқы») екінші қатардағы үздік актерлар деп танылды. «Витька сарымсақ Леха қаданы мүгедектер үйіне қалай апарды» фильмі үшін режиссер Александр Хант «Жыл жаңалығын» иеленді. Үздік операторлық жұмыс - «Салют-7» (Сергей Астахов, Иван Бурлаков, Кирилл Бобров). Дыбыс режиссерінің үздік жұмысы – «Үлкен» (Сергей Чупров).
Олеся Фокинаның «Геннадий Шпаликов. Тартымды адамның өмірі» таспасы үздік ойнамалы фильм атанды. Үздік анимация - Светлана Андрианованың «Қос трамвайы». Композитор Владимир Дашкевич «Әпкелі-сіңлілі үшеу» фильміндегі әуен үшін жүлдеге ие болды. Алексей Учительдің «Матильдасы» «Үздік суретші» (Вера Зелинская, Елена Жукова) және «Костюм бойынша суретшінің үздік жұмысы» (Надежда Васильева, Ольга Михайлова) аталымдарында жүлдегер атанды.
.jpg)
пікірлер жоқ, бірінші болыңыз
Пікір қалдыру үшін