Аружан Жазылбекова және Нұрлан Әлімжанов «The Steed» монғол фильміне түседі

11 Маусым, 2018
BrodKaz
817
0

Отандық актерлар Аружан Жазылбекова («Анаға апарар жол») және Нұрлан Әлімжанов («Тығырықтан жол тапқан») монғол режиссері Ганболдын Эрдэнэбилэгтің фильміне түсетін болды. «The Steed» деп аталатын тарихи картинаның түсірілімі жақын арада Монғолияда басталады.

«The Steed» («Жылқы») фильмінің сюжеті белгілі монғол аңызына құралған, яғни адам баласы мен сүйікті жылқысының арасындағы достық пен адалдық баяндалады. Хикаяға әр түрлі жерлердің кейіпкерлері қатысады, ал Қазақстан негізгі рөлді атқармақ. Авторлардың айтуынша, картина бірнеше елдердің мәдениетін біріктіріп, ауқымды халықаралық аудитория үшін Орта Азияның әдемі ландшафтарын ашып көрсетеді.

Кинотаспа өндірісімен Three Flames Pictures компаниясы айналысады, ол бірнеше жыл бойы Орта Азия мен Голливудтың фильмдер түсірілімімен жұмыс істеп келеді. Қазір компания KAZprofilm ұсынатын қазақстандық продюсер Надира Ахоновамен тығыз байланыста.

Айта кету керек, Three Flames Pictures бұрын Ганболдын Эрдэнэбилэгпен бірге жұмыс істеген. 2015 жылы екеуі «Father» фильмін жарыққа шығарған, аталмыш картина Қытайда көрсетілген алғашқы монғолдық көлемді жоба болды.

Фильмді американдық және монғолдық жақ қаржыландырады, ал дистрибьюторы – Sony Pictures Entertainment.

«The Steed» әлемнің 70 елінде көрсетіледі деп күтілуде, оның ішінде Қытай да бар, сонымен қатар халықаралық кинофестивальдерге де жол тартуы мүмкін.