Аружан Жазылбекова ресейлік «Адаптация» сериалына түседі
Ресейлік «ТНТ» арнасында қазақстандық актриса Аружан Жазылбекованың қатысуымен «Адаптация» сериалы басталды. Комедиялық телефильм ГазПромға кіргісі келетін америкалық тыңшы жайлы. Сериалдың түсірілімі мен өзінің кейіпкері туралы актриса «Бродвей» кинопорталына әңгімелеп берді:
«Мен Сатане есімді қыздың рөлін ойнадым. Ол ненц тайпасының көсемінің қызы. Ненцтер - Ресейдің солтүстігіндегі шағын халықтың өкілдері. Олар бізге ұқсайтын болып шықты. Сатаненің әкесі өз халқының дәстүрін берік ұстанатын жан, ал оның қызы үнемі тәуелсіз болуға ұмтылады. Мені кастингте бағымды сынап көруге сериалдың кастинг-директоры шақырды, бірнеше бейнесынақтардан соң мені рөлге бекітті».
Сериалдың түсірілімі 2016 жылдың ақпанында Мурманс облысында өтті. Сондай-ақ түсірілімне отандық актеріміз Дәулет Әбдәғапаров та қатысты.
«Біріншіден, менің жобаға қызыққаным, оқиға өте қызықты, америкалық тыңшының ресейге келуі. Сюжеті бүгінгі күнге арналған. Екіншіден, актерлер құрамы ұнады: Евгенией Брик, мен оны«Стиляги» мюзиклі үшін құрметтеймін, Леонид Бичевин, мен оны «Груз» және «Морфий» фильмдері арқылы білемін, сондай-ақ Юрий Стоянов. Түсірілім кезінде біз бірнеше шағын қалаларды және Мурманск облысындағы елдімекендерді араладық, өте тамаша жер, адамдары да қонақжай, мейірімді. Ауа райы да бізге қарайласты. Түсірілім кезінде күн жылы болды, тіпті түнгі түсірілімдер кезінде де қиналған жоқпыз. Тундра, шаналар, бұғылар, хаски - осының бәрі ұмытылмас әсер қалдырды», - дейді актриса.
Естеріңізге сала кетейік, актриса ресейлік «Золотая Орда» сериалына да түскен болатын.
пікірлер жоқ, бірінші болыңыз
Пікір қалдыру үшін