Асылхан Төлепов «Көкпар» фильмінің бірінші тизерінде
Актер Асылхан Төлепов «Көкпар» қырғыз фильмінің бірінші тизерінде көрінді. Картинаны қазақстандық көрерменге «Ананы іздеу» комедиясы арқылы танылған режиссер Руслан Акун түсірген. Авторлардың хабарлауынша, «Көкпар» толықметражды драмасы 20 қыркүйектен бастап айналымға шығады.
«Көкпар» («Көк-бөрү») фильмі дарынды көкпаршы Мақсаттың хикаясын баяндайды. Күндердің бір күнінде жігіт туған ауылына қауіп төніп тұрғанын біледі, ал оны құтқарудың жалғыз жолы – ауылдастардан топ құрып, көкпардың Біріншілік кубогына қатысу. Кейіпкер тобымен бірге қарсыластарын жеңу үшін тапқырлық пен батырлық танытып, аңсаған кубокты жеңіп алуға тырысады.
Фильмдегі басты рөлді отандық актер Асылхан Төлепов, ал басты кейіпкер қызды Гүлназ Жоланова сомдады. Сондай-ақ, фильмге Қырғызстан актерлары Эмиль Эсеналиев, Сұлтан Диқамбаев, Жұма Мамакеев, Назым Меңдібаиров, Асан Аманов, Шұмқар Бейшеналиев, Таалайқан Абазова және Марат Амираев түсті.
Кинотаспа маусымда Қырғызстанның Чолпон-Ата қаласында түсірілді. Қоюшы-операторы - Мұрат Әлиев. Продюсері – Нұрбек Айбашов. Таспа өндірісімен «Аманат фильм» компаниясы айналысты.
Превью: Асылхан Төлеповтың жеке Instagram парақшасынан
пікірлер жоқ, бірінші болыңыз
Пікір қалдыру үшін