Барри Дженкинс жаңа жоба тапты
Барри Дженкинстің «Айдың жарығы» фильмі биылғы жылдың үздік фильмі ретінде «Оскар» жүлдесін алған. Режиссер мұнымен тоқтап қалғысы жоқ, Джеймс Болдуиннің «Бил-стрит сөйлей алғанда ғой» романының негізінде жаңа драма түсірмек. Сонымен қатар, Дженкинс 2013 жылы сценарийді өзі жазды. Бірақ, жазушының туыстарынан қойылымға рұқсат ала алмады.
Фильм отбасын құруға дайындалып жүрген қара нәсілді екі жас туралы. Бойжеткеннің аяғы ауыр, ал жігітті пуэрторикандық қызды зорлады деп айыптайды. Бұл істі нәсілшіл полицей әдейі ұйымдастырған болып шығады. Бірақ, жастардың туыстары шындықты дәлелдей алмай әлек болады. Жігіттің анасы шындықты білу үшін пуэрторикандық қызға барады. Ал жігіттің өзі түрмеге қамалады.
Кейіпкерлер түрлі көңіл-күйге бөленеді, бірде мұңайып, бірде үміттеніп үлгереді.
Жаңа фильмнің түсірілімі қазан айына жоспарланып отыр.
пікірлер жоқ, бірінші болыңыз
Пікір қалдыру үшін