Баян Алагөзова Kesh You-дің жаңа солистін көрсетті
Баян Алагөзова қазақстандықтарға Kesh You-дің жаңа солистін таныстырды. Элизат Берікованың орнына Ақтөбелік жас әнші Ақбота Құрманғали келді. Бұл туралы продюсер өзінің Instagram парақшасында хабарлады.
«Солистердің келіп-кетуі жайлы айтудан шаршадым, нәтижесінде әйелдің тағдыры – отбасын құру! Бізге жас әрі дарынды қыз Ақбота келіп қосылды, жасы 17-де. Ол Элизаттың орнына келді, ал Элизат жақында тұрмысқа шығады, оған отбасылық өмірде бақыт тілеймін! Ал Ақботаға шығармашылықта еңбекқорлық және сәттілік» (Пунктуация мен орфография сақталды. –Ред.), - деп жазды Баян Алагөзова.
Былтырғы жылдың басында продюсер Kesh You мүшелерін төрт қызға дейін көбейткен. Жаңартылған топта Балжан Бидаш, Сара Амангелді, Назым Әбілдина және Элизат Берікова болды. Аталмыш құрам «Неге?», «Қалай ғана?» және «Қозы Көрпеш - Баян Сұлу» хикаясының саундтрегіне айналған «Махаббат баяны» әндерін жарыққа шығарған.
Еске сала кетсек, алдыңғы жолы герлз-бендтен Сара Амангелді де кеткен болатын.
Превью: Kesh You тобының жеке Instagram парақшасынан
пікірлер жоқ, бірінші болыңыз
Пікір қалдыру үшін