Баян Алагөзова үлкен қызының тойы туралы айтып берді
Баян Алагөзованың үлкен қызы Айсәуле Бақытбек келер жылдың наурыз айында үйлену тойын өткізбек. Салтанатты шара мен болашақ күйеу баласымен арадағы қарым-қатынас жайлы Баян Мақсатқызы «Ревю» ► https://www.ntk.kz/ru/revu/2018-09-12/5878 бағдарламасында айтып берді.
«Айсәуле некелесіп қойған. Ол болашақ күйеу балам, керемет Әлішердің қалыңдығы болып табылады. Үйлену тойлары басынан бастап-ақ 9 наурызға белгіленген. Қыз ұзату бір апта бұрын жасалады. Өзім де тойдың наурызға жоспарланғанын білмедім, осы жазда болады екен деп жүрдім», - деді продюсер.
Айсәулеге тұрмысқа шығу жайлы ұсынысты бірнеше жыл жүрген жігіті жасады. Романтикалық оқиға «Шымбұлақ» тау шаңғысы курортында осы жылдың мамырында болған еді.
«Мен тамаша ене болатын сияқтымын. Әлішермен арадағы қарым-қатынасымыз өте жақсы. Менің керемет бір қасиетім бар – ешкімнің жеке өміріне араласпау. Өз өміріме де ешкімді араластырмаймын, тек бүкіл елден басқа (күліп). Шынымды айтсам, балаларымның жеке өміріне ешқашан араласпаймын. Ана ретінде мен үшін қызымның бақытты болуы маңызды. Болашақ жас отбасына тек бақыт тілеймін. Мен ылғи Айсәулеге өз мәселеңді өзің шеш деп айтамын», - деді Баян Алагөзова.
Бүгінде жас жұп ақырындап алдағы тойға дайындықты бастап кетті.
Превью: Баян Алагөзованың Instagram-дағы жеке парақшасынан
пікірлер жоқ, бірінші болыңыз
Пікір қалдыру үшін