Баян Алагөзова: «Оның ғажап сұлу көздерін есімізге түсіріп, кастингке шақырдық»
Алматыда «Тағдыр бекеті» мелодрамасының түсірілімі жалғасуда. Толықметражды таспаны продюсер Баян Алагөзова түсіріп жатыр, ол басты рөлге неліктен жас актриса Әйгерім Мақсұтованы алғанын айтып берді.
«Мен үшін жаңа бейнелерді ашқан қызығырақ... Көп жыл бұрын, Әйгерім біздің продюсерлік орталығымға келіп, резервке түскен болатын, бірақ өкінішке қарай, ән айтуды үйрене алмай-ақ қойды, мүмкін жылдар өте келе оның ғажап сұлу көдерін есімізге түсіріп, кастингке шақыруымыз керек болған шығар. Үміткерлер көп болды, бірақ мен Әйгерімді таңдадым», - деп жазды продюсер өзінің Инстаграм парақшасына.
Баян Мақсатқызы түйсігінің алдамайтынына сенетінін де қоса айта кетті.
Оқырмандар да пікірлерімен бөлісуге асықты:
«Құдайым-ау, неткен әдемі актриса! Жас, талдырмаш, жақсы қыз, Сізге ұқсайды», «Супер, Баянжан, тағатсыздана күтудеміз, өмірімдегі ең керемет сәттермен байланысты сүйікті фильмім!», «Керемет! «Махаббат бекеті» фильмін ерекше жақсы көремін, қайталап көре беруден жалыққан емеспін. Тамаша хикаяның жалғасын асыға күтемін».
Еске сала кетсек, «Тағдыр бекеті» - 1993 жылы жарыққа шыққан «Махаббат бекеті» отандық таспасының жалғасы. Жаңа фильмге Ернар Нұрғалиев («Сиситай») режиссерлік етуде.
Превью: Баян Алагөзованың жеке Instagram парақшасынан
пікірлер жоқ, бірінші болыңыз
Пікір қалдыру үшін