Бен Аффлек пен Мэтт Дэймон «Showtime» атты жаңа хикаяның продюсері атанды
Ескі достар Мэтт Дэймон мен Бен Аффлек бірнеше рет бірге жұмыс істеп, «Уилл Хантинг ақылдылары» сценарийі үшін «Оскарға» ие болған еді.
Бұл жолы жұлдызды тандем «Дөң үстіндегі қала» қылмыстық хикаясына продюсерлік етпекші, ал идеясын Бен Аффлектің өзі ұсынған.
Сынамалы хикаясының режиссері Аффлекпен «Жаза» фильмінде бірге жұмыс істеген Гэвин О’Коннор болмақ.
Сюжет 90-жылдардың басында болған Бостондағы оқиғаны, қатігез қылмыс пен құқық қорғау органдарының салғырттығын баяндайды. Аймақтық прокурордың орнына афроамерикандық жігіт келген кезде барлығы өзгере бастайды.
Ол қаланы қылмыстардан тазарту үшін және өз мақсатына жету жолында ФТБ-ның (ФБР) құрметті ардагері әрі сыбайласымен жақсы тіл табысуы қажет болады.
Бұл іс Бостон қылмыстық әділеттілігі тарихында ерекше өзгеріске ұшырайды.
1 пікір
Пікір қалдыру үшін
Мырзахмет
5 тамыз 2017, 02:12О да сериалы, гонорары. Для лиги справедливости.