Берлинале 2018: негізгі байқау бағдарламасында мексикалық Алонсо Руис Палашиостың «Мұражай» фильмі көрсетілетін болады
Бүгін Германияның астанасы Берлинде Канн фестивалі және Венеция фестивалімен қатар Еуропаның ең беделді кинофорумының үштігіне кіретін 68-ші Берлин кинофестивалінің ашылуы өтті. Мексика аталмыш фестивальге Алонсо Руис Палашиостың «Мұражай» фильмімен қатыспақ. Бұл фильм негізгі байқау бағдарламасында көрсетіледі. 2014 жылы Руис Палашиос үздік дебюті арқылы Алтын аю жүлдесін иеленген. Жүлдені «Гуэрос» комедиясымен алды.
Режиссердің «Мұражай» жаңа таспасы шынайы оқиғаға негізделген. Фильмде жұмыстан қуылған екі мал дәрігері туралы баяндалады, олар Мексикада үлкен қарақшылық шабуыл жасауды ұйғарады. Жұп Мексиканың ең үлкен Антропология мұражайын тонауды көздейді. Руис Палашиостың айтуынша, «Мұражай» мексикандықтардың өткен тарихымен тығыз байланысын зерттейді.
Қылмыстық драмадағы басты рөлді халықаралық деңгейдегі ең танымал мексикандық актерлердің бірі және белгілі мексиканшы Алехандро Гонсалес Иньярритудың («Аман қалған» фильмімен 2016 жылғы «Оскарды» иеленген) «Вавилон» және «Махаббат тәлкегі» фильмдерінде ойнаған Гаэль Гарсиа Берналь сомдады.
«Мұражай» фильмінің әлемдік көрсетілімі Берлиналеде 22 ақпанда өтеді.
пікірлер жоқ, бірінші болыңыз
Пікір қалдыру үшін