Бибігүл Ақтан және Әнуар Нұрпейісов бензин бағасының өсуіне қарсы
Бүгін, 10 қазан күні Алматыда бензин бағасының өсуіне қарсы наразылық акциясы болады. Шара қатысушыларының ішінде актриса Бибігүл Ақтан («Fake: Өзіңді сақта») және актер әрі продюсер Әнуар Нұрпейісов («Қызғылт қоян туралы хикая») бар.
Қаланың автожүргізушілері жанармай бағасын төмендетуді талап етіп, қарсы акция ұйымдастырып жатыр. Көліктер авариялық белгіні қосып қойып, бір сағат бойы тоқтап тұрмақшы. Акция Абай даңғылында, Достық пен Фурманов көшелерінің аралығында болады.
Еске сала кетсек, отандық автожүргізушілер бензин бағасының күрт өсіп кетуіне қарсы шыққан болатын. Қазіргі таңда АИ 92 бензин литрінің бағасы 151 теңге болса, ал АИ 98 жанармайы 181 теңгеден сатылып жатыр. Қазақстандықтар бензин бағасына ғана наразылық танытып жатқан жоқ. Көптеген жанармай бекеттерінде бензин талон арқылы ғана беріліп отыр.
Акция сағат 12:00-ден 13:00-ге дейін өткізіледі.
пікірлер жоқ, бірінші болыңыз
Пікір қалдыру үшін