Бибігүл Сүйіншалина гүлдер студиясын ашты
Бибігүл Сүйіншалина BBGUL атты жеке гүлдер студиясын ашты. Актриса бұл кәсіпті бекер таңдаған жоқ, себебі Бибігүл араб тілінен аударғанда «гүлдер ханымы» дегенді білдіреді.
«Мен гүлдерді өте жақсы көремін, сондықтан әйелдерімізді қуантатын кәсіп ашқым келді. Студиямыздың басты мақсаты – ерлерді сүйіктілерін тек мерекелерде ғана емес, жиі қуантып тұруға шақыру. BBGUL-дің негізгі бағыты – еуропалық бағытта көркемделген әдемі гүл шоқтары. Гүл шоқтарымыздың бағасы 5 000 теңгеден жоғары. Гүлдеріміздің барлығына қол жетімді болғанын қалаймыз», - деді Бибігүл.
Актрисаның айтуынша, студиядан кез-келген талғамға сай гүл шоқтарын табуға болады, сонымен қатар гүлдерді авторлық қорапшаларға оралған ерекше сәнді таңдай алады. Гүлдер салонға Голландия мен Эквадордағы David Austin Roses және Foxy Roses сынды әйгілі брендті атауы бар жылыжайлардан келеді.
«Тобымыз студия имиджіне, логотип жасауға және ресми сайт ашуға аса жауапкершілікпен қарады. Әзірге онлайн түрде жұмыс істейміз. Дүкеннің салтанатты ашылу шарасын Халықаралық әйелдер күні қарсаңында өткіземіз»,- деп қоса кетті Бибігүл Сүйіншалина.
Превью: Руслан Тағаев
1 пікір
Пікір қалдыру үшін
Мырзахмет
17 февраля 2018, 01:58Молодеца Красавица Бибигуль, оставайся всегда такой.