«Бонд 25»: Леа Сейду франшизаға қайта оралады
Леа Сейду («Зои», «Бұл жәй ғана ақырзаман») Джеймс Бонд жайлы франшизаға қайта оралады. 25-ші мерейтойлы тыңшылық атыс-шабыс фильмінің тұсаукесері 2020 жылғы ақпанның ортасына жоспарланып отыр. Жобаның түсірілімі келесі жылдың көктемінде басталады, уақыт зулап жатыр, сондықтан Eon және MGM студиялары «бондиананың» актерлік құрамына жақсы таныс бейнелерді қайтара бастады. Сейду алдыңғы «007: СПЕКТР» жобасында болған өзінің психолог Мадлен Сванн рөлін қайталайтын сияқты.
Дэниэл Крэйг («Лос-Анджелес отқа оранды», «Логан сәттілігі») басты рөлге бекітілді. «Бонд 25» режиссері көптеген шиеленістен соң Кэри Фукунага («Тексіз аңдар», «Нағыз детектив» хикаясы) болды. Қазіргі таңда Крэйг Райан Джонсонның «Сыртқы пышақтар» триллерінің түсірілімімен айналысуда, ал Фукунага, сыбыс бойынша, әлі де фильм сценарийімен жұмыс істеуде.
Eon студиясы тағы екі актриса іздеп, кастинг өткізіп жатыр. Біріншіден, Бондпен серіктес болатын MI6 британ барлауы агентін сомдайтын басты үміткер жоқ, екіншіден, «бондиананың» осы бөлімінде басты жауыз болатын «қауіпті арудың» рөліне ешкім бекітілген жоқ.
«Бонд 25» тыңшылық атыс-шабыс фильмі ауқымды айналымға 2020 жылдың 14 ақпанында шығады. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін