«Бонд 25»: Кэри Фукунага жаңа режиссер болмақ
Режиссер әрі сценарист Кэри Фукунага («Тексіз аңдар», «Нағыз детектив» хикаясы) бір ай бұрын Дэнни Бойл жобадан кеткеннен кейін, Джеймс Бонд жайлы 25-ші фильмнің түсірілімін өз қолына алмақ. Бұл шешім туралы «бондиана» продюсерлері бейсенбі күнгі ресми мәлімдемеде хабарлады. Түсірілім Лондонда Pinewood Studios-та 2019 жылдың 4 наурызында басталады. 007 суперагенті жайлы мерейтойлы тыңшылық атыс-шабыс фильмінің халықаралық тұсаукесері бірнеше айға жылжытылып, 2020 жылдың 14 ақпанына жоспарланды.
Бойл продюсерлер Барбара Брокколи мен Майкл Дж. Уилсонмен арада болған шығармашылық келіспеушіліктерден соң кеткеннен кейін, Фукунага әйгілі франшизаның алғашқы американдық режиссері болады. «Біз Кэримен жұмыс істейтінімізге қуаныштымыз. Оның жан-жақтылығы және жаңашылдыққа деген ұмтылысы Джеймс Бондтың келесі хикаяларын экрандау үшін жасаған таңдауымыздың кереметтілігін көрсетеді», - деп хабарлады Брокколи мен Уилсон Twitter'дe. Осыған қарамастан, Кэри Фукунага Ян Деманж («Ақ жігіт Рик») сияқты фавориттер арасында болмады, сондықтан продюсерлердің бұл шешімі барлығы үшін күтпеген жағдай болды.
«Бонд 25» тыңшылық атыс-шабыс фильмі 2020 жылдың 14 ақпанында айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін