«Ақ жігіт Рик»: Мэттью МакКонахи және Ян Деманж жабайы қылмыстық оқиғаны баяндауға дайын

5 Маусым, 2018
BrodKaz
1 362
0

Columbia Pictures студиясы режиссер Ян Деманждың «Ақ жігіт Рик» қылмыстық драмасының бірінші трейлерін ұсынды. Деманж қоржынында «71» атты бір ғана толықметражды фильм бар, бұл тарихи триллер оның атын 2014 жылы Берлин кинофестивалінде шығарған болатын. Бұл француз режиссері дебютті жұмысында психологиялық экшн құруда нағыз шеберлікті көрсете білді. Бір қызығы, шынайы оқиғаларға негізделген «Ақ жігіт Рик» те дәл осындай сәттерге толы.

«Ақ жігіт Рик» картинасында басты рөлдердің бірін сомдаған Ричи Мерритт 80-жылдары 14 жасында ФТБ тарихындағы ең жас мәлімдеуші атанған кіші Ричард Вэршті бейнеледі. Фильм оның арнайы қызметтермен белсенді түрде серіктестік жүргізген кездерін және түрмеге түсіп, мәңгілікке бас бостандығынан айырған оқиғалар жайлы әңгімелейді, яғни кіші Вэрш есірткі саудасы үшін қамауға алынған болатын. Мэттью МакКонахи («Қара мұнара», «Алтын») сол жігіттің әкесін, зауыт жұмысшысы, Детройттан шыққан «көк жағалыны» сомдайды, ол бар күшін сарп етіп, отбасын асырауға тырысады. Дженнифер Джейсон Ли («Аннигиляция», «Тамаша уақыт») жасөсіпірімді жұмысқа алатын ФТБ агентінің бірін сомдайды.