Берлинале 2018: сыншылар мен қазылар алқасы не үшін дауласты?
Өткен аптаның аяғында 68-ші Берлин кинофестивалінің қорытындысы шыққан болатын. Қазылар алқасы «Алтын аюмен» марапаттау үшін румындық режиссер Адина Пинтилиенің «Жақындама» таспасын таңдағанын көпшілігі болмаса да, сыншылар құптады. Пікірлер екіге бөлінді. Халық пен қоғамның кей бөлігі әлі де таңдану үстінде. Фестиваль тағы да заманауи кинематографтың алдағы жылдардағы дамуына өз үлесін қосты. Біз оқырмандарымызды Берлинале 2018-дің қызықты сәттерімен жиі таныстырып тұрдық, сондықтан маңызды кішігірім материалдар топтамасын да ұсынуды жөн көрдік:
Вольфганг Фишердің «Стикс» фильмі European Cinema Label жүлдесін иеленді: Германиядан шыққан әйел дәрігер жалғыз жүзу кезінде моралды таңдауға тап болады.
«Жақындама» - бульварлы роман мен ғылыми монография арасындағы дүние: румындық режиссер Адина Пинтилие адамдық сексуалдылыққа өзіндік көзқарас танытады.
Мексикандық Алонсо Руис Палашиостың «Мұражайы» негізгі байқау бағдарламасында көрсетіледі: фильмнің басты жұлдызы - Гаэль Гарсиа Берналь;
«Дәлізде» драмасы айналым компанияларының үлкен қызығушылығын тудыруда: басты рөлде – «Тони Эрдманн» артхаусты хитінің жұлдызы Сандра Хюллер;
«Жарылғыш толқын – санамның күнделігі» - Урсула Майердің жаңа қылмыстық драмасы: ата-анасына оқ ататын жігіттің рөлінде Кейси Моттет Кляйн және әдебиет пәні мұғалімінің рөлінде Фанни Ардан;
«Тропикалық вирус» комиксінің ақ-қара экрандауы: Латын Америкадағы өтпелі кезеңнің қиындықтары;
Француз режиссері Жан-Поль Сивейрактың «Ауылдастарым» фильмі: Париж киномектебіндегі оқытудың ақ-қара әдісі.
.jpg)
пікірлер жоқ, бірінші болыңыз
Пікір қалдыру үшін