Брайан Сингер Queen тобы жайлы «Богемдік рапсодия» байопик авторларының арасында өз атын көргісі келеді
Режиссер Брайан Сингер («Дарындылар» хикаясы, «Икс адамдары: Ақырзаман») Queen тобы жайлы «Богемдік рапсодия» байопик авторларының арасында өз атын көргісі келіп жүр. Былтырғы жылдың желтоқсан айында ол түсіндірусіз Fox студиясының түсірілімінен босатылған. Сингердің өзі студияның ауру ата-анасына қарауға бос уақыт беруден бас тартқанын айтып отыр.
Осы жағдайға қатысты фильм продюсері Грэм Кинг Empire Magazine-ге берген сұхбатында былай деген еді: «Брайан Сингер – фильмнің танылған режиссері... Оның шешілуі тиіс кейбір жеке мәселелері болды. Ол біраз үзіліс жасап, кейін аяқталуы тиіс болған фильмнің түсірілімін жалғастырғысы келді. Осы жағдай барлық мәселенің бастауы еді. Қайтадан шеңберді ойлап табудың қажеті жоқ. Бізге белгілі бір шығармашылық еркіндігі бар, бірақ бүкіл топпен бірге жұмыс істейтін адам керек болды».
Американдық режиссерлар гильдиясының ережесіне сәйкес, 1978 жылдан бері «бір фильм – бір режиссёр» қағидасы ұстанып келеді, таспа титрларында бір ғана режиссерді белгілеуге болады. «Богемдік рапсодия» - қазіргі таңда титрларда көрсетілген есімдердің адалдығына күмән туғызатын соңғы фильм.
.jpg)
пікірлер жоқ, бірінші болыңыз
Пікір қалдыру үшін