Ченнинг Татум «Гамбит» жобасының неліктен тоқтап тұрғанын түсіндірді
FOX киностудиясының Икс Адамдары туралы үш бірдей жаңа жобасы бір уақытта өндіріліп жатыр. Ал «Гамбит» уақытша тоқтап қалды.
Yahoo ресурсы басты рөлді сомдаушы Ченнинг Татумнан істің мән-жайын сұрап білді.
Актер бастапқыда керемет сценарийдің жазылғанын, бірақ кейіннен «Дэдпул» пен «Логан» секілді суперкейіпкерлі блокбастерлерге жол ашқан туындылардың шыққанын айтты. Ендігі кезекте студия кез-келген дүниелерге рұқсат беруге дайын екен.
Дегенмен, бұл жаңа фильмнің R рейтингіне көне салады деген сөзі емес.
Қазіргі таңда сценарийдің соңғы нұсқасын Рейд Каролин жазды. Ол бұрын «Супер Майк» жобасында Ченнинг Татуммен бірге жұмыс істеген болатын.
Режиссері әзірге белгісіз, дегенмен ұзынқұлақтардың сыбысы бойынша, ол Фрэнк Дарабонт («Тірі өліктер», «Шоушенктан қашу») болуы мүмкін.
пікірлер жоқ, бірінші болыңыз
Пікір қалдыру үшін