Айсұлу Әзімбаева не оқиды екен?

19 Шілде, 2017
Мадина
1 913
0

Негізі, қанша кітап оқығаның емес, солардың ішінен өзіңе қажетін ала алғаның маңызды деп жатады ғой. Бұл пікірмен актриса Айсұлу Әзімбаева да келісетін шығар. Актриса әлемге деген көзқарасын өзгерткен туындылар туралы «The Steppe» интернет басылымына айтып берді.

Әртістің жеке топтамасына жеті туынды енген. Олардың алғашқысы - Әбдіжәміл Нұрпейісовтың «Қан мен тер» трилогиясы. Актриса соңғы уақыттарда қазақ әдебиетін жақсы оқып жүргендігін атап өтті. Оның жеке кітапханасында Сәбит Мұқановтың, Ғабиден Мұстафиннің, Мағжан Жұмабаевтың және Мұхтар Әуезовтің орыс тіліне аударылған туындылары бар.

Отандасымыз орыс классикасын да айналып өтпеді. Әртістің кітап сөрелерінен Михаил Булгаковтың «Мастер мен Маргарита» романын, Иван Буниннің «Қараңғы саяжолдар» әңгімелер жинағын және Владимир Маяковскийдің «Өлеңдерін» табуға болады.

Сурет: the-steppe.com

«Мен Маяковскийді мектеп кезінен бері жақсы көремін, бұл алғашқы жолдардан-ақ басталған махаббат болатын. Мектеп бітіргенімен 13 жыл болды. Бірақ, оның өлеңдерін оқығанда қайтадан қаным қайнап, жігерлене түсемін. Мен Маяковский секілді жақсы көргім келеді, мені де дәл Маяковскийді жақсы көргендей сүйсе деймін. Жалпы, Маяковский ақынның образы өлеңдерін оқыған сайын менің шабытымды оятады»,-деп бөлісті Әзімбаева.

Актрисаның жеке кітапханасында Грегори Робертстің «Шантарам» бестселлеріне де орын табылды. Актрисаның айтуынша, роман оны ғажайып Үндістанға саяхат жасауға шабыттандырған.

Айсұлудың сүйікті кітаптарының арасына Маргарет Митчеллдің «Желмен ғайып болғандар» романы және Кэрролл Льюистің «Ғажайып мекендегі Алисаның бастан кешкендері» туындысы кірген.