«Қара Ілбісін»: актерлік құрамы. 3 бөлім
«Қара Ілбісін» картинасының авторлары сценарийдің жұмысын аяқтап, басты рөлді сомдаушы Чедвик Боузманға серіктес болатын актерларды іздеуге кірісті. Нәтижесінде, Куглер мен Файги кино, театр мен телевидение саласындағы белгілі әртістердің халықаралық ансамблін жинады. Файги былай дейді: «Ваканд әлеміне сүңгіп кету, Қара Ілбісіннің шежіресін зерттеп, оның айналасындағы ғажайып кейіпкерлерді көру мүмкіндігінің болғаны қандай жақсы. Оларға өмір беру үшін мақтануға тұрарлық керемет актерлік ансамблді жинадық».
Т’Чалла / Қара Ілбісін кейіпкеріне оралған Чедвик Боузман «Бірінші кек алушы: Қарсыласу» фильміндегі дебютінен соң кейіпкерінің ерекшелігін түсіндірді: «Т’Чалла ақылды. Ол стратег, сонысымен комикстерде қызықтырған. Ол – көшбасшы, демек халқы мен елінің саяси картадағы орны үшін жауап береді. Басқа батырларда мұндай міндеттер жоқ. Сонымен қатар, ол мұрасын құрметтеуі тиіс. Бұл қызықты тәсіл».
Майкл Б. Джордан кейіпкері Эрик Киллмонгер сюжетте алғаш көрсетілгенде ол туралы көп нәрсе белгісіз болады, бірақ Т’Чалла ақырындап Эриктің Вакандпен байланысын көре бастайды. Киллмонгер – Улисс Клодан кем түспейтін жалданушы, екеуі Т’Чаллаға қарсы тұру үшін біріккен кезде, мүмкіндік көбейе түсті. «Оскар» жүлдесінің иегері Лупита Нионго тумысынан жауынгер қыз болған Накияны сомдайды, ол Вакандтың шетелдегі қызметін зерттейді әрі патша отбасын және тайпалар кеңесін әлемдік жаңалықтардан құлағдар етіп отырады. Накия өте адуынды күшке ие – тәртіпке бағынатын жігерлі әйел, ол қашанда Т’Чаллаға адал. Оның жауынгерлік қасиеті беделді әйелдер бөлімі - «Дора Милаж» жасағының талаптарына сай, сондықтан өте жылдам қозғалатын пысық қызметкері болып келеді.
Актриса Данай Гурира «Тірі өліктер» әйгілі хикаясында Мишонды тамаша ойнаған соң, Т’Чалла тобының және «Дора Милаж» жасағының сенімді серігі, батыр Окойенің рөліне үтімкер болады. Мартин Фриман қайтадан агент Эверетті сомдайды, бірақ осы жолы еркінен тыс Т’Чалланың серіктесі атанады. Росс пен Т’Чалланың жолдары, екеуі Улисс Клоны аңдып жүргенде түйісіп қалады. Британдық актриса Летисия Райт жоғары технологиялар маманы, Т’Чалланың қарындасы Шури ханшайымына айналады, ол вибраниум негізінде жаңа сәнді құрылғыларды жасайды, бұл дүниелер Вакандтың өркендеуіне үлес қосып, «Қара Ілбісіннің» мықты құралына айналады.
Уинстон Дюк Т’Чалла мен патша жанұясының саясатын мойындамайтын Вакандтағы тау тайпасының көсемі – Джабариді сомдайды. «Оскар» жүлдесінің үміткері Анджела Бассет Т’Чалланың анасы Рамонд патшайымды ойнайды. Жақында жесір қалған патшайым Т’Чалла үшін маңызды беделді адам болып саналады. Т’Чаллаға Вакандтың басшысы және дәстүрлерді қорғаушы секілді жаңа рөлі қиынға соғады. Оның қарындасы, қырсық әрі ақылды Шури ханшайымға да оңай болмады. «Оскар» жүлдесінің лауреаты актёр Форест Уитакер үшін «Қара Ілбісінге» Зури рөлінде қатысу Куглер мен Джордан жанұясымен қайта бас қосқандай болды,себебі ол бұрын екеуімен продюсер ретінде «Фрутвейл бекеті» картинасында жұмыс істеген. Зури - Ваканд бақсысы, ол көптеген жылдар бойы Т’Чака патшаның кеңесшісі болған, сондықтан оның патша жанұясымен қарым-қатынасы бұрыннан бастау алады.
Энди Серкис оңтүстік африкандық тұрақсыз саудагер, қарулы екіжүзді Улисс Клоның рөліне қайта оралды. Ол алғаш рет экранда «Кек алушылар: Альтрон кезеңі» фильмінде пайда болған. Бұл жолы Кло вакандтық вибраниумды өз қолына алуды көздейді, ақыры Қара Ілбісіннің көзіне ілігеді.
«Қара ілбісін» Қазақстандық айналымға 26 ақпанда шығады.
Фильмнің Қазақстандағы ресми таратушысы - Meloman Entertainment компаниясы.
пікірлер жоқ, бірінші болыңыз
Пікір қалдыру үшін