Дәурен Айдарқұлов: «Басымнан өткен жағдайларға өзім кінәлімін»
Актер әрі әзілкеш Дәурен Айдарқұлов жеке өмірімен бөлісті. Ол Instagram парақшасында бір кеште оқырмандарының сұрақтарына жауап қатты. Айдарқұлов мәлімдегендей, Ақбота-Нұр Сейтмағамбет екеуі бірге тұрмайды, бірақ жақсы қарым-қатынаста екен.
«Ақботамен бірге тұрмаймын, себебі ол қарсы. Басты себебі – менің бірінші отбасым бар. Қазір жалғызбын. Ата-анаммен бірге тұрамын. Басымнан өткен жағдайларға өзім кінәлімін. Жақсы болсын, жаман болсын – барлығы өзімнің кесірімнен» (Пунктуация мен орфография өзгертілген – Ред.), - деді актер.
Бірінші жарын қолдап, бала-шағасымен көрісіп тұрады ма деген сауалға Дәурен былай деді:
«Бірінші әйеліме жаңа 3 бөлмелі пәтер сатып алып бердім. Екіншісін де баспанамен қамтамасыз еткім келеді, алайда қазір мүмкіндігім жоқ болып тұр, сондықтан пәтер ақысын төлеп тұрамын. Ал балалармен көрісіп тұруға еш кедергі жоқ. Оның үстіне, бірінші отбасымдағы үш балам жұмадан жексенбіге дейін өзім тұратын ата-анамның үйіне келіп тұрады» (Пунктуация мен орфография өзгертілген – Ред.).
Еске салсақ, Дәурен Айдарқұлов пен Ақбота-Нұр Сейтмағамбеттің бір баласы бар.
Кейбір оқырмандар актердің немен айналысатынына, қандай топты ұнататынына қызығушылық танытты. Әртістің сөзінше, ол «МұзАрт» тобының жанкүйері екен және канадалық әнші Майкл Бублені тыңдағанды жақсы көреді. Кинодағы түсірілімдерден бөлек, Айдарқұлов той ұйымдастыру орталығында жұмыс істейді.
1 пікір
Пікір қалдыру үшін
Мырзахмет
16 мамыр 2018, 23:12Да Даурен, ты это четко сказал. Я с тобой полностью согласен.