Джей Джей Абрамсқа «Жұлдыздар соғысы» тоғызыншы эпизодының сценарийін жазу жүктелді
«Жұлдыздар соғысы: Күштің қайта жаңғыруы» жетінші эпизодының режиссері Джей Джей Абрамс тоғызыншы эпизодқа кіріспек. Lucasflim студиясы сценарийді де, фильмді де соған беруді ұйғарды.
Бірнеше апта бойы тоғызыншы эпизодтың қоюшысы Колин Треворроудың картина продюсерімен арадағы кикілжіңінен кейін жұмыстан босатылғаны туралы айтылды.
Нәтижесінде студия Треворроудың орнына бірнеше үміткерлерді қарастырып жүрді. Соның бірі сегізінші эпизодтың қоюшысы - Райан Джонсон болған.
Дегенмен, Lucasflim тексерілген жолмен жүруді ұйғарып, 2015 жылы «Жұлдыздар соғысы: Күштің қайта жаңғыруы» фильмінің өзіндік ребутын түсірген Джей Джей Абрамсты шақыруды жөн санады.
Оның үстіне, Абрамс Крис Терриомен бірге сценарий жазады.
пікірлер жоқ, бірінші болыңыз
Пікір қалдыру үшін