«Джеймс Бонд»: продюсер Барбара Брокколи 007 агенті рөлінде тек ер адамды көретінін мәлімдеді
Джеймс Бонд жайлы франшизаның продюсері Барбара Брокколи 007 агенті рөлінде тек ер адамды көретінін мәлімдеді. «Бонд – бұл еркек. Ол – ер адам кейіпкері. Оны сценаристер ер мінезді адам ретінде қарастырды. Менің ойымша, ол мәңгілік ер адам болып қала бермек. Бұл керемет қой», - деп хабарлады Брокколи The Guardian британ газетіне берген жаңа сұхбатында. «Бондиана» архитекторының бірі құпия агент ретінде жаңа әйел кейіпкерлердің пайда болу қажеттілігі туралы ойлап жүр.
«Біз ер адам кейіпкерлерін әйелдерге айналдырмауымыз керек. Тек әйел кейіпкерлерін көбірек құрып, тек әйелдерге тән болатын жеке экранды хикаялар жасауға дайынбыз», - деп жалғады сөзін Барбара Брокколи. 2002 жылы «Өле бер, бірақ қазір емес» фильмінде Бондтың ғашығын сомдағаннан кейін танымал болған Розамунд Пайк осыған ұқсас пікір білдірді. «Менің ойымша, Джеймс Бонд кейіпкері – ер адам. Бұл расында да солай. Неге жеке фильм түсіріп, құпия агентті әйелге айналдырмасқа?», - деген еді биыл бір сөзінде.
Брокколидің айтуынша, Джеймс Бонд франшизаның ұзақ мерзімді қызығушылығы үшін ер адам болып қалуы тиіс: «Мына әлемнің қалай өзгергенін қараңыздаршы. Уақыт өте келе өзгере бастаған Джеймс Бонд соның бір бөлігі іспетті. Мен сол кейіпкерге өз үлесімді қосқым келеді, әсіресе Дэниэл Крэйгтің қатысуындағы фильмдер әйелдерге бағытталған қазіргі өзекті көзқарасқа сай келеді деп ойлаймын».
пікірлер жоқ, бірінші болыңыз
Пікір қалдыру үшін