Дженнифер Лоуренс ресейлік арнайы агентінің образын байқап көрді
Дженнифер Лоуренс Фрэнсис Лоуренстің «Қызыл торғай» жаңа фильмінде басты рөлді сомдады. Актриса ФҚҚ (ФСБ) офицері Доминик Егорованың образына ие болды, кейіпкер Кеңес үкіметі құлағаннан кейін барлау қызметінің жаңа бағдарламасына қатысады.
Бойжеткен барлау тілімен айтқанда кәсіби «торғай» атанады. Оның мақсаты: Мәскеудегі маңызды орыс «көртышқанына» жетекшілік ететін ОББ-ның (ЦРУ) жас агенті Натаниэль Нэшті көндіру.
Лоуренстен бөлек, фильмге Джоэл Эдгертон, Шарлотта Рэмплинг, Джоэли Ричардсон, Маттиас Шонартс, Киран Хайндс, Мэри-Луиз Паркер және Джереми Айронс қатысады.
Фильм Джейсон Мэттьюстың 2013 жылы жарық көрген «Қызыл торғай» аттас кітабының желісімен түсірілген.
Френсис Лоуренс бұл хикаяға қатты қызыққан, себебі оған қызықты жағдайларға тап болған жалғызбасты бақытсыз адамдардың оқиғалары ұнайды.
Режиссер Фрэнсис Лоуренс пен актриса Дженнифер Лоуренс «Аштық ойындары» фильмінің барлық бөлімдерін түсірген.
Фильм тұсаукесері 2018 жылдың 26 сәуіріне жоспарланып отыр.
пікірлер жоқ, бірінші болыңыз
Пікір қалдыру үшін