Джонни Депп: Лос-Анджелестегі сатылымнан кейін капитан кемесіз қалды
Қалтасы біраз жұқарған Джонни Депп Лос-Анджелестің кәсіби орталығында орналасқан бес пәтерін жалға беру үшін біраз жиһаздардан босатты. Арт-деко бағытында салынған үйлерде «Кариб теңізінің қарақшыларының» жұлдызы мен бұрынғы әйелі Эмбер Хёрд жылжымайтын мүлікке ие болған еді. Бірақ, Депп пентхаустың бірінде баспалдақ жақта ілініп тұрған қарақшылар кемесіне ұқсайтын аспашам секілді құнды жәдігерді қалдырып кетеді.
Ол аспашам Депп пен Хёрдтің үйлену тойына сыйланған болатын. Жұп 2016 жылдың жазында айырылысып кетеді. Қазіргі таңда, екеуі тұрған пәтерді айына 7,500 доллар төлеп, еш қиындықсыз жалға алуға болады. Пәтерде 3 жуынатын бөлме мен 2 жатын бөлме бар. Сонымен қатар, пәтер жалдаушыларға міндетті түрде қарақшылар кемесіне ұқсайтын аспашамды көрсетеді, сол арқылы блокбастер франшизасын еске салады.
«Қарақшылар кемесіне ұқсайтын аспалы шам осы бөлмелерді жалға алуға шақыратын өте маңызды дүние», - дейді Pacific Union International-ның жылжымайтын мүлік агенті Билл Купер.
пікірлер жоқ, бірінші болыңыз
Пікір қалдыру үшін