Эмбер Херд Илон Маскке тұрмысқа шығуды ойлап жүр
«Мачете убивает», «Ромовый дневник» және «Альфа Дог» фильмдеріндегі өзекті рөлдері арқылы, сондай-ақ, белгілі кино қайраткері Джонни Деппен ажырасқан соң одан әрі танымал бола түскен Голливуд актрисасы Эмбер Херд қайтадан тұрмысқа шықпақ.
Шетелдік БАҚ Хердтің миллиардер Илон Маскпен жүріп жүргенін және барлығы шынайы екенін жарыса жазуда.
Daily Mail тілшілерінің сұрағына Эмбердің әкесі жауап берді. Ол қызының қазіргі жігіті Илон Маскпен некелесетініне қуанатынын айтты. Сонымен қатар, бір-біріне деген қарым-қатынасы адал екенін жасырмады. Осылайша, көптің көкейінде жүрген әңгіме расталғандай.
Баспасөз беттерінде Эмбер Херд пен Илон Масктің қарым-қатынасы жайында алғаш рет өткен жазда жазылған еді. Сол кезде Лондон мен Майамидегі шараларда екеуі бірге жүрген болатын.
Илон Масктің байлығы 11,7 миллиард долларды құрайды. Ол «SpaceX» ғарыш компаниясының және электромобиль өндіретін «Tesla Motors» өндірістік-компаниясының негізін қалаған.
пікірлер жоқ, бірінші болыңыз
Пікір қалдыру үшін