Энн Хэтэуэй «Sony» студиясының алдағы жобасында Барбиді сомдайды
«Менің қызым — құбыжық» фильмінен көрініс
Энн Хэтэуэйдің «Барби» фильмінде ойнайтыны туралы қауесеттер тарап жүр. Бұл Барбилэндте тұратын ерекше бейнелі бойжеткен туралы хикая. Өзге тұрғындар оны ерекшелігі үшін қудалайды. Сол кезде ару сұлулығына басқаша көзбен қарайтын шынайы өмірге тап болады.
Әзірге актрисамен келіссөздер жүргізіліп жатыр. Бұрын бұл рөлге Эми Шумер бекітілген еді. Бірақ, кестеге байланысты келіспеушіліктер туындап, Шумер рөлден бас тартуға мәжбүр болады. Ол өзінің әпкесімен бірге алғашқы нұсқасын шығарған Хилари Уинстонның сценарийін қайта жазып шыққан-ды. Әзірге Энн Хэтэуэй үшін нақты қандай сценарийді алатыны белгісіз.
Картина режиссері болуға «Аналардың көңілді кешкі асы» фильмін түсірген Алетей Джонсқа ұсыныс тасталды. Қазіргі таңда келіссөздер жүргізілуде.
Продюсерлері - Уолтер Ф. Паркс, Лори МакДональд және Эми Паскаль.
«Sony» студиясы 2014 жылы Mattel-ден Барби белгісін пайдалану құқығын сатып алған болатын.
Картина 2018 жылдың 29 маусымында жарыққа шықпақ.
Әзірге Энн Хэтэуэйді «Менің қызым – құбыжық» фильмінен көре аламыз.
пікірлер жоқ, бірінші болыңыз
Пікір қалдыру үшін