Гильермо дель Торо құбыжықпен бірге «Судың түрі» атты жаңа романтикалық фильм түсірді
Гильермо дель Торо көпшілікке «Тынық мұхиты шекарасы» фильмі, «Штамм» хикаясы және «Хеллбой» фильмдер топтамасының қойылымдарын жасаған адам ретінде таныс. Ол құбыжық пен бойжеткен махаббаты туралы романтикалық әрі ғылыми-фантастикалық жаңа фильм түсірді.
Сюжеті өткен ғасырдың 60-жылдарындағы суық соғыс кезеңдерін баяндайды. Тазалаушы Эльза (Салли Хокинс) зертханада жұмыс істеп жүріп, біртүрлі мақұлықты – амфибия адамды көреді. Бойжеткен соған ғашық болып қалады да, қашуды жоспарлайды.
Сонымен қатар, картинаға Майкл Шеннон, Ричард Дженкинс, Майкл Стулбарг және Октавия Спенсер түсті.
«Судың түрі» фильмінің тұсаукесері қыркүйек айында, күздік фестивальдердің бірінде - Венеция, Торонто немесе Теллурайдта болмақ.
пікірлер жоқ, бірінші болыңыз
Пікір қалдыру үшін