«Люкс дауыс»: сәнді поп-жұлдыз қайта оралуға дайын
Актриса Натали Портман («Аннигиляция», «Джеки») 30 жасар режиссер әрі сценарист Брэйди Корбеттің («Көшбасшының балалық шағы») «Люкс дауыс» музыкалық драмасының тизерінде сәнді поп-жұлдыз образында қайта оралуға дайын. Корбет таспасының әлемдік тұсауы жақында Венеция фестивалінде кесіледі, әрі қарай «Люкс дауыс» Торонто фестиваліне жол тартады. Портманға «Оскар» сыйлаған «Қара аққудан» кейін, актриса көрермендерге экран арқылы жаңа кейіпкерді көрсету үшін алыс жол жүруге дайын. Оның «Люкс дауыстағы» рөлі эмоционалды жағынан өте ауыр және «Қара аққумен» салыстыруға келеді.
«Люкс дауыстың» сюжеті бойынша әлемдік поп-жұлдыз Селеста (Натали Портман) өміріндегі ең маңызды концертінің алдында өз жадына қарсы тұруға тырысады. Селеста жеке музыкасы арқылы өзіне назар аудартқан кезде және жасөспірім шағында естелік шарада ән айтқан уақытта үлкен бір апаттан аман қалған. Бірнеше жылдан соң Селеста болған оқиғадан арылуға тырысады да, үлкен сахнаға амбициялы альбомы және концертімен оралуды ойлайды. Екінші қатардағы рөлдерді сомдаушылардың арасында Джуд Лоу («Артур патшаның қылышы», «Жас Әке» хикаясы) Селестаның менеджері ретінде және Стэйси Мартин әпкесі ретінде көрінеді.
«Люкс дауыс» музыкалық драмасы 2019 жылдың 7 наурызында айналымға шығады. Афишамызды қарап жүріңіздер.
.jpg)
пікірлер жоқ, бірінші болыңыз
Пікір қалдыру үшін