«Хан Соло: Жұлдыздар соғысы. Тарих»: жаңа әлем құру
«Хан Соло: Жұлдыздар соғысы. Тарих» картинасының түсірілімі негізінен Ұлыбританияда Pinewood Studios студиясының павильондарында, сондай-ақ, Доломиттегі екі шетел локацияларында және сұлулығымен тамсантқан Фуэртевентура аралында өткен. Декорациялар дизайнымен картинаның бас суретшісі Нил Ламонт айналысты. Оның қолында «Жұлдыздар соғысы» түпнұсқа аңызының декорацияларымен жұмыс істеген суретшілер Ральф МакКуарри мен Джо Джонстонның таңғажайып материалдар топтамасы болды. Бұл Нилға көп көмегін тигізді, өйткені фильм авторлары өткен ғасырдың 60-жылдарының басын және 70-жылдардың соңындағы атмосфераны орнатқысы келген болатын.
Ламонт тобымен бірге көптеген физикалық декорацияларды құрды, соның ішінде ең танымалы Ханның туған ғаламшары Кореллия болды, ол Венецияның индустриалды нұсқасын еске салады, бірақ «Жұлдыздар соғысы» стилінде жасалған. Сондай-ақ, «Мыңжылдық сұңқар» ғарыш кемесі салонының декорациясын да айтпай кетуге болмас, оны тұрғызуға үш ай кеткен, бұл «Жұлдыздар соғысы» аңызының басқа фильмдерінің түсірілімінде қолданылғандардың ішінде «Сұңқардың» ішкі құрылғысының ең үлкен декорациясы болып табылады.
«Жұлдыздар соғысы. Тарих» кезеңіндегі фильмдер үшін басты критерийлердің бірі - әр картинаның жеке мінезінің және визуалды айырмашылығының болуы, мұнда ойынға операторлық жұмыс араласады. Картина авторлары жобаға қоюшы-оператор Брэдфорд Янгты бекіткенде шексіз бақытты болған. «Қоюшы-оператор фильмнің визуалды қатарын сюжетте жеке кейіпкер ретінде шығара алады, - дейді продюсер Саймон Эмануэль. – Брэдфордтың жұмысы керемет. Ол көріністі немесе сахнаны қалай қою керектігін жақсы сезетін нағыз суретші».
Брэдфорд Янг реализмді жарықтандырудың көмегімен жасаған. Ол былай дейді: «Егер қардың немесе құмның иісі мен дәмін сезінгің келсе, сол құмды немесе қарды күннің және айдың жарығымен көрсеткен жақсы. Заманауи көрермен бір нәрсенің қолдан жасалғанын бірден сезіп қояды. Ал бұл картинада барлығы шынайы болу керек. Әрине, бұл тәсілмен жұмыс істеу қиын, бірақ жылдар бойы мұндай тапсырмаларды орындауды, сәтті пайдаланып, жарық көзін табуды үйрендім».
«Хан Соло: Жұлдыздар соғысы. Тарих» Meloman Entertainment компаниясының таратуымен 2018 жылдың 24 мамырында айналымға шығады.
пікірлер жоқ, бірінші болыңыз
Пікір қалдыру үшін