«Хан Соло: Жұлдыздар соғысы. Тарих»: Беккет пен Кира туралы жаңа деректер
Вуди Харрельсон ғарыш қылмыскері, ұры әрі контрабандашы Беккет рөлін сомдап, «Хан Соло: Жұлдыздар соғысы. Тарихқа» өзіндік сүйкімділігін, авантюризм мен қауіптілік рухын алып келді. Режиссер Рон Ховард былай дейді: «Вуди шынайылығының арқасында кез-келген рөлді жандырып әкете алады. Оның әзілдері керемет әрі шығармашылық талабы да зор. Ол кейіпкерін қызықты қылатын бөліктерді жылдам табады. Көріністе әзілге аз ғана орын болса да, ол оны міндетті түрде тауып алады».
Харрельсон фильмдегі Беккеттің Хан Соломен қарым-қатынасын былайша сипаттайды: «Хан Беккет тобымен байланысып тұр. Олар бірнеше іспен айналысуға тырысады, бірақ көптеген мәселелер туындайды, менің ойымша, сол мәселелерді шешу барысында Беккет Ханға бірнеше өмір сабақтарын үйрететін сияқты. Олардың арасында әдеттегі «ешкімге сенбе» және «бірінші болып ат» деген сөздер қолданылады, дегенмен болашақта өмір сүретін кодекс те қалыптасты».
Ханның алғашқы махаббаты, сұлу Кираны Ұлыбританияның ең дарынды әрі танымал актрисаларының бірі, «Тақтардың ойыны» арқылы танылған Эмилия Кларк сомдады. Рон Ховард жұлдызды былай сипаттады: «Эмилия жылдар өткен сайын дана болып келеді, мен оған ерекше таң қаламын. Ханның әйелдермен эмоционалдық деңгейдегі қарым-қатынасы кейіпкерді нақтылай түсуге, оның сезімін көрсетуге септігін тигізеді. Эмилия өте ауыр әйел мінезін бейнелей отырып, бұл міндетті тамаша атқарып шықты».
Кларк «Жұлдыздар соғысына» қуана қосылғанын және өз рөліне дайындалу барысында «Жұлдыздар соғысының» жанкүйеріне айналғанын жасырмады. «»Жұлдыздар соғысы» әлемінде жаңа өте мықты әйел кейіпкерді сомдау сондай керемет, оның үстіне бұл кино тарихындағы ең әйгілі батырлардың бірінің қалыптасуына ықпал ететін рөл ғой».
«Хан Соло: Жұлдыздар соғысы. Тарих» Meloman Entertainment компаниясының таратуымен 2018 жылдың 24 мамырында айналымға шығады.
.jpg)
пікірлер жоқ, бірінші болыңыз
Пікір қалдыру үшін