Іңкәр Әбдіраш «Сен ізде мені» әнін жазды
Отандық актриса Іңкәр Әбдраш «Сен ізде мені» әніне клип түсірді. ол компазицияны орындап қана қоймай, бейнеклиптің режиссеры да, продюсері де өзі болды.
«Сен ізде мені» - махаббат жайлы ән. Әннің кейбір жолдары менің атам, ақын Жарасқан Әбдрашевтің «Маxаббат математикасы» поэмасынан алынған. Клиптің белгілі бір сюжеті жоқ. Түсірілім тобы жас, дарынды жігіттердін құрылды», - дейді Іңкәр Әбдіраш.
Музыкалық клиптің түсірілімі Алматыда өтті. Актрисаның жаңа жобасына виолончелист, скрипкашы қыз, балет әртістері қатысты.
Өзінің жеке әншілік өнерін Іңкәр алғаш рет паш етті. Ол 13 жасынан бастап вокалмен айналысады, 16 жасында «Томирис» тобының әншісі болды, топ құрамында 3 жыл жұмыс істеді. Өзінің бауыры копазитор Әбілқайыр Жарасқанмен бірге Іңкәр «Кірісу» және «Ақын кетіп барады» әндерін жазған болатын.
Қазақстандықтарға Іңкәр Әбдіраш «Ағайындылар», «Жаным» және «Побег из аула» сериалдары арқылы танымал. Биыл актриса «Қазақ хандығы. Алмас қылыш» сериалының кинонұсқасының продюсері ретінде жұмыс істеді және ол негізгі рөлдердің бірін ойнады.
2 пікір
Пікір қалдыру үшін
Askhat
21 февраля 2017, 15:27А клип где можно посмотреть?
Ануар Кенжибаев
21 февраля 2017, 17:42Думаю, что премьера будет на GAkku