«Бір тағайындаудың сыры»: Лев Толстой өмірінен алынған драма постерге ие болды
Режиссер Авдотья Смирнованың («Кококо», «2 күн») Лев Толстойдың өмірінен алынған «Бір тағайындаудың сыры» драмасы тұсаукесер алдында ресми постерге ие болды. Биылғы жылдың маусым айында таспа ресейлік «Кинотавр» фестивалінде резонанс туғызып, сыншылар мен көрерменнің ыстық ықыласына бөленді. Көрсетілімнен кейін таспа көрермендер көзайымы атанып, үздік сценарий үшін жүлде алды. Бір қызығы, фильм авторлары «Соғыс пен бейбітшілік» авторының өмірінен кішігірім қалыпты өмірбаяндық экрандауын емес, детективті хикаяны баяндайды.
«Бір тағайындаудың сыры» сюжеті бойынша, оқиға Қырым соғысынан кейін 1856 жылы өрбиді, яғни барлығы шынайы оқиғаларға, деректі хикаяларға негізделген. Лев Толстой 38 жаста. Жазушы туындыларымен айналысады, сондай-ақ өз атын пайдалануда помещик ретінде максималды тиімділікке қол жеткізеді. Бірақ, Толстой бұл картинаның басты кейіпкері емес. Оқиға ортасында - поручик Григорий Колокольцевтің ісі.
«Бұл Ресейде жиі кездесетін заң мен әділдіктің, қарыз бен мейірімділіктің қақтығысы, бұл - біз шыға алмайтын дихотомия. Фильмде адамның қалай өмір сүру керектігіне қатысты сағымды құрта алатын парыз сезімі қозғалады», - деді Авдотья Смирнова.
«Бір тағайындаудың сыры» өмірбаяндық драмасы 2018 жылдың 6 қыркүйегінен бастап айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін