«Соңғы жауынгер» картинасының шығу күні өзгерді

31 Тамыз, 2017
Мадина
1 161
0

Алдыңғы жолы картинаның 19 қазан шығатыны айтылған еді, ендігі кезекте тұсаукесер күні 26 қазанға жылжытылды.

«Соңғы жауынгер» - The Walt Disney Company мен Yellow Black and White студиясының бірігуімен жасалған ресейлік жоба. Фильм ертегі хикаясы жанрында түсірілген. Режиссері - Дмитрий Дьяченко. Фильмге Виктор Хориняк, Мила Сивацкая, Екатерина Вилкова, Елена Яковлева, Константин Лавроненко, Евгений Дятлов, Александр Семчев, Сергей Бурунов, Александр Кухаренко және Марина Калецкая түскен.

Сюжеті заманауи Мәскеуде тұратын қарапайым жігіт Иван туралы, ол аяқ астынан Белогорье атты фантастикалық елге тап болады. Бұл елде орыс ертегілерінің кейіпкерлері өмір сүреді, ал ғажайып – күнделікті өмірдің ажырамас бір бөлігі. Ертегі әлемінің тұрғындары даулы мәселелерді жауынгерлік қылыштың көмегімен шешеді екен.

Иван Белогорьеге тап болып, жарқын мен қара күштердің ортасында қалады. Қызық болғанда, дәл осы Иванға болып жатқан оқиғалардың басты кейіпкері болу бұйырады.

Көрермендердің «Соңғы жауынгер» фильмінің кейіпкерлерімен қызықты уақыт өткізері анық. Картинада заманауи арнайы эффектілер, әсерлі трюктар, таңғажайып көріністер мен фирмалық әзілдер болады.

Фильмнің Қазақстандағы ресми таратушысы «Меломан-Кинопрокат» компаниясы болып табылады.