Канны-2018: «Сымның үстіндегі адамның» продюсері Тина Тёрнер жайлы деректі фильмді ұсынады
Канн фестивалінде рок-н-ролл жұлдызы Тина Тёрнер жайлы аттас деректі фильм ұсынылады. Бұл ХХ ғасырдағы поп-музыка жайлы баяндайтын алғашқы жоба болмақ. 2011 жылы ойнамалы емес «Жеңілмеген» жобасымен «Оскар» жүлдесін және былтырғы жылғы «Лос-Анджелес 92» фильмімен «Эмми» жүлдесін иеленген Дэниэл Линдсэй және Т.Дж. Мартин әлемге әйгілі әнші және актриса жайлы таспаның режиссері атанды.
Продюсер Саймон Чинн («Сымның үстіндегі адам», «Уитни») жазда шығаруға әзірленіп жатқан аталмыш жобаны Канн фестивалінде халықаралық сатып алушыларға ұсынады. Музыкалық продюссер және Тина Тёрнердің күйеуі Эрвин Бах бір айдан кейін Лондонда оның театрландырылған қойылымын түсірумен айналысады. Деректі фильмде әншінің достарымен сұқбатын, отбасы мүшелерін, музыканттарды және Тинаның өзін көрсетеді. Сондай-ақ, міндетті түрде ерекше әсер сыйлайтын концерт кезіндегі үзінділер де көрсетілетін болады.
«Мен өзімнің өмірім жайлы деректі фильм түсіруге алғаш рет келісім беріп отырмын және бұл батыл қадам! Бірақ мен бастағалы отырған жұмыстар үшін қатты алаңдатып отырмын және менің адал әрі шынайы жолмен ұсынылған оқиғаларым көрермендерге менің көзқарасымдағы өмірдің шынайы мағынасын көрсете алады деп үміттенемін. Сондай-ақ, егер менің оқиғам адамдарға әсер етіп, үміт сыйласа, онда жұмсалған еңбектің ақталғаны», -деді Тёрнер.
пікірлер жоқ, бірінші болыңыз
Пікір қалдыру үшін