Канн-2018: биылғы фестивальдің байқау бағдарламасының шиеленісі барған сайын қызықты болып барады
Биылғы Канн бағдарламасының шиеленісі барған сайын қызықты болып барады. Биылғы жылы халыққа және қазылар алқасына Ларс фон Триердің «Джек салған үй» картинасы, Кевин Макдональдтің Уитни Хьюстон жайлы баяндайтын «Уитни» деректі фильмі, Терри Гиллиамның өндіріс мерзімі бойынша рекорд орнатқан «Дон Кихотты өлтірген адам» таспасы және Рамин Бахранидің «Фаренгейт бойынша 451 градус» фильмі көрсетіледі.
Байқау бағдарламасында басты рөлді Ванесса Паради сомдаған француз режиссері Ян Гонсалестің «Жүрекке сұғылған пышақ» таспасы және 2008 жылы Канн фестивалінің «Ерекше көзқарас» бағдарламасында жүлделі болған «Қызғалдақ» фильмінің авторы, қазақстандық режиссер Сергей Дворцевойдың «Айка» картинасы бар. Режиссерлардың бұл дуэті дебютанттары көп болып келетін мықты құрамға қосылады.
Канның байқау бағдарламасына түрік режиссері Нури Бильге Джейлан «Жабайы алмұрт» таспасымен қатысады, бұл автор 2014 жылы «Қысқы ұйқы» үшін Алтын пальма бұтағын иеленген болатын. Енді жарыстың негізгі бағдарламасы толығымен дайындалған сияқты, оның құрамына 21 фильм енген.
пікірлер жоқ, бірінші болыңыз
Пікір қалдыру үшін