Карловы Вары-2018: жасөсіпірімдер жайлы «Қысқы шыбын-шіркейлер» әсерлі драмасы

6 Шілде, 2018
BrodKaz
862
0

Карловы Вары фестиваліндегі негізгі байқау бағдарламасында Прагалық режиссер Олмо Омерзудың («Отбасылық фильм», «Түн тым жас») «Қысқы шыбын-шіркейлер» жасөспірімдер жайлы әсерлі драмасының тұсауы кесілді. Бұл жұмыс жолдағы шытырман оқиғалар мен басты кейіпкерлердің есеюін біріктіреді және заманауи еуропалық артхаус дәстүрлері әсер еткен 80-жылдардағы балалар фильміне оралады.

Екі дос – 14 жасар Марек (Томас Мрвик) және 12 жасар Гедуш (Ян Франтишек Угер) – ескі ұрланған Audi-мен елді кезіп, саяхатқа аттанады. Екеуінің 2 жас айырмашылығы кәдімгідей сезіледі. Маректің өмірге деген өзіндік көзқарасы мен таз басты сотқар бала ретіндегі қарым-қатынасы қалыптасқан, ол ылғи өзінің фантастикалық сексуалды қитұрқылығымен мақтанып жүреді. Гедуш, керісінше, камуфляжды шалбар киген, шетелдік әскерге қосылуды армандайтын бала сияқты.

Олмо Омерзу «Қысқы шыбын-шіркейлерге» таңдалған екі бағытты теңдей ұстап тұруы тиіс. Бір жағынан, ол шытырман оқиғалары кезінде екі баланың есеюін көрсететін қатал әрі мықты драманы ұсынса, екіншіден, өзі бала болған кезді сағынышпен еске алып, кейіпкерлерімен жасты болғанда олардан ешқандай айырмашылығы болмағанын көрсетеді. Нәтижесінде, бұл таспада жасөспірімдер арасындағы достық қарым-қатынастың белгілі бір сиқыры және басты кейіпкерлер тап болатын шынайылықтың қатал тұзағы біріктірілген. Тамаша ашық соңы жағымды энергетиканың көмегімен көрермендерді жігерлендіре түседі.