2017 жылғы кассалық табыстар мен жеңілістер: 1 бөлім
Өтіп бара жатқан жылдың бокс-офисында үлкен хит болғандар – Marvel-дің таспалары «Жұлдыздар соғысы» және «Сұлу ару мен құбыжық». Бірақ, қаржылық жағдайына қарай жеңіс пен жеңіліске қатысты біршама тенденцияларды байқауға болады. Биылғы жылдың бірнеше трендін қарастырып көрейік.
Жеңіс: әр алуан кейіпкерлер
Таспалардың басты кейіпкерлері ретінде көптеген әйелдер мен түрлі ұлттар тенденцияға айналды. Бұл көрермендердің ақшасын иемденуге де септігін тигізді. Пэтти Дженкинс пен Галь Гадот жаздың сәніне айналды, себебі «Ғажайып әйел» әлемдік айналымда 412,5 миллион доллар табыс тапты, ал Джордан Пил және «Аулақ» фильм өндірісіне 4,5 миллион жұмсап, 254 миллион доллар бокс-офис тапты да, Голливуд үшін ең үлкен сенсацияға айналды. Тіпті, бұл тенденцияға тәуелсіз кино да әсер етті, өйткені «Оскар» иегері «Айдың жарығы» A24 студиясы үшін 65 миллион доллар жинап, кассалық рекордқа ие болған. Әзірге, бұл табысты Грета Гервигтің «Құс ханым» режиссерлік дебюті қайталай қоймады.
Жеңіліс: ұзақ франшизалар
Көрермендер «Кариб теңізінің қарақшылары: Өлгендер ертегі айтпайды» (айналымда 795 миллион доллар тапты) бесінші фильміне және «Трансформерлер: Соңғы жауынгер» (айналымда 605 миллион доллар тапты) франшизасына аса қызыға қоймады. Қос франшизаның 2017 жылғы жинағы тарихтағы ең төменгі жинақ болды. Disney «Қарақшылардан» алғашында-ақ көп үміт күтпеген, сондықтан ол жеңіліске дайын еді. Ал «Трансформерлерді» барлық қаржылық дағдарыстың шешіміне айналатынынан үміттенген Paramount үшін бұл жағымсыз жаңалық болды.
пікірлер жоқ, бірінші болыңыз
Пікір қалдыру үшін