Қазақстандық актерлер ресейлік «Золотая Орда» сериалына түседі
Ресейлік «Марс Медиа» және «Амедиа» компаниялары «Золотая Орда» тарихи картинасын «Бірінші арнаға» арнап түсіруде. Жоба режиссеры Тимур Алпатов, продюсерлері – Рубен Дишдишян, Арам Мовсесян, Елена Денисевич және Нелли Ярова.
«Золотая Орда» сериалы көрерменді XIII ғасырға алып барады, Ежелгі Русь моңғол-татар отарында болған кезде Ұлы хан Берке Парсылармен соғыс үшін 40 мың сарбаз алу үшін Русь жеріне елшілерді жібереді. Алтын орданың атынан сыйлық ретінде князь Ярославқа Наргиз сұлуды қалдырады, сарайдағы шытырман оқиғаның бәрі осы қыз үшін. Осы кезде Ұлы хан Берке саудагердің 16 жастағы Айжан есімді қызын алады.
Ресейлік 16 сериялы фильмінде қазақстандық актерлер Аружан Джазильбекова, Дина Тасбулатова, Санжар Мәдиев және Дәулет Әбдіғапаров қатысады.
Санжар Мәдиев, Дина Тасбулатова, Аружан Джазильбекова
Естеріңізге сала кетейік, Санжар Мәдиев осымен қатар «Әмре» биографиялық лентасында түсіп жатыр.
Басты және қосымша рөлдерге кастинг 2015 жылы өткізілген болатын. Осы кезең барысында актерлерді бүкіл ТМД елдерінен, Қазақстаннан, Бурятиядан, Башкириядан, Ресейден, Татарстаннан және Өзбекстаннан іздеді. Ұзаққа созылған іріктеудің нәтижесінде актерлердің негізгі құрамына қазақстандық актерлер енді.
Түсірілім 1 тамызда басталды. Арнайы түсірілім үшін Мәскеу түсбінде жалпы кеңістігі 10 мың шаршы метрлік ағаш үйлер салынды. Бюджеті 400 миллион рублдік картина 2017 жылы шығады.Продюсер Рубен Дишдишянның айтуынша, сериалдың екі нұсқасы бар: телевидениеге және Ғаламторға арналған «+18» белгісімен. Соңғы нұсқасына төбелес пен эротикалық көріністер кіреді.
пікірлер жоқ, бірінші болыңыз
Пікір қалдыру үшін