Кевин Смит жауыздарды жазалайтын құбыжық туралы хоррор түсірмек
«Клерктер» мен «Догма» фильмдерінің режиссері «KillRoy Was Here» атты қорқынышты альманахтар түсіріліміне кірісті.
Бірнеше жыл бұрын Кевин Смит рождестволық жын Крампус туралы хоррор-антология түсірмек болған, бірақ оның алдын Майкл Доэрти орап әкетті.
Сол кезде Смит бірнеше уақыт өткеннен кейін сценарийді қайта қарап, рождествоға қатысты дүниелердің барлығын алып тастайды да, қалғанын қалдырады.
Жаңа сценарий бойынша басты кейіпкер жауыздарды жазалайтын ұзын тұмсықты құбыжық болады. Режиссер мұндай фильмнің көпішіліктің көңілінен шығатынына сенімді. Өйткені, халық жақсы адамдардың қанын ағызғаннан гөрі, зұлымдарды жоятын фильмдерді жақсы көреді.
Роберт Курцман құбыжық дизайнын Екінші дүниежүзілік соғыс кезеңіндегі танымал граффити негізінде жасап шығарды.
пікірлер жоқ, бірінші болыңыз
Пікір қалдыру үшін