Клинт Иствуд «15:17 в Париж» драмалық фильмін түсірмек
Гудзон бұғазына апаттық жағдайдағы ұшақты қондырған американдық ұшқыш туралы «Чудо на Гудзоне» фильмінің табысты сәттерінен кейін фильм режиссері Клинт Иствуд келесі туындысын түсіруді ойлап жүр.
«15:17 в Париж» деп аталатын жаңа картинасы Париж қаласына жол жүріп келе жатқан пойыздың ішіндегі террорлық әрекетті тоқтатқан үш американдық жауынгер туралы. Сюжет фильммен аттас Энтони Сэдлер, Алек Скарлатос, Спенсер Стоун және Джеффри Э. Штерннің кітаптарының желісімен түсірілді.
Сценарийін жазып шығу Дороти Бласкалға ұсынылды.
Клинт Иствуд режиссерліктен бөлек Тим Мур, Кристина Ривера және Джессика Майермен бірігіп продюсерлікті де қолға алмақ.
Иствудтың жаңа фильмі шынайы өмірдегі кейіпкерлермен тікелей байланысты. Сонымен қатар, оның «Американский снайпер» мен «Чудо на Гудзоне» атты соңғы 2 фильмі кассалық жинақтың үзігіне айналып үлгерді.
пікірлер жоқ, бірінші болыңыз
Пікір қалдыру үшін