«Әдемі бала»: Тимоти Шаламе «Оскар» үшін жарысуға дайын
Amazon Studios бельгиялық режиссер Феликс ван Грунингеннің («Бельгия», «Алшақ тұрған орта») «Әдемі бала» драмасының ресми трейлерін ұсынды, бұл оның ағылшын тілді дебюті болмақ. Жас актер Тимоти Шаламе («Жазғы ыстық түндер», «Мені өз есіміммен аташы») және оның фильмдегі серіктесі Стив Карелл («Жыныстылар шайқасы», «Ақсүйектер өмірі») өткен жексенбіде аяқталған Торонтодағы фестивальде жақсы пікірлерге ие болды. Қазірдің өзінде Шаламені екінші қатардағы үздік рөл орындаушысы ретінде «Оскарға» ұсыну жайлы әңгіме жүріп жатыр.
Тұсаукесерден кейін «мықты», «жарқын» әрі «мәңгі есте қалушы» деген сөздерге ие болған «Әдемі баланың» сюжеті Ник Шефф (Тимоти Шаламе рөлі) және әкесі Дэвид Шефф (Стив Карелл) жазған естеліктерге негізделген. Шаламе кейіпкері – метамфетаминге тәуелді жасөспірім. Стив Карелл әкесінің рөлін ғана сомдап қоймай, баласына барынша көмектесуге тырысып, жаман әдетінен арылуға, жақсы өмір сүруіне атсалысатын адамды ойнайды.
пікірлер жоқ, бірінші болыңыз
Пікір қалдыру үшін