Кристен Белл «Фантастикалық лагерь» жобасына шақырту алды
Кристен Белл («Өте нашар аналар», «Киттерді бәрі жақсы көреді») «Фантастикалық лагерь» жобасындағы басты рөлдердің біріне шақырту алды. Аталмыш музыкалық фильмнің түсірілімімен STX Entertainment айналысады. Сид Каргердің сценарийі бойынша актриса үнемі өзінің қорқынышымен арпалысатын орта мектептің мұғалімінің рөлін сомдайды. Беллдің кейіпкері ақыр соңында ересектердің дарынын дамытатын арнайы жерде білім алады.
Бұл Кристеннің музыкалық фильмдегі алғашқы рөлі емес. Ол 2013 жылы «Мұздаған жүрек» анимациялық фильмінде Аннаны дыбыстап, ән шырқаған болатын. Актриса бұған дейін де шоуларға және киномюзиклдерге қатысқан. STX Entertainment-тің Кристен Беллге қызығушылық танытуы бекер емес. Олар айналымда 200 миллион доллардан аса қаржы жинаған «Өте нашар аналар» франшизасында бірге жұмыс істеген болатын. Қазіргі уақытта Белл «Ең үздік әлемде» хикаясының басты рөліне түсуде. «Фантастикалық лагерь» оның өндірістегі үзіліс кезінде түсіріледі.
пікірлер жоқ, бірінші болыңыз
Пікір қалдыру үшін