Квентин Тарантино Чарльз Мэнсон туралы фильмінің актерлік құрамына Аль Пачиноны шақырды
Өткен аптаның соңында Леонардо ДиКаприоның Квентин Тарантиноның фильмінде сериялық қанішер Чарльз Мэнсонды сомдайтыны белгілі болған еді. Хикая көпшілікті қызықтыра бастады. Variety-дің хабарлауынша, осы жобаға Аль Пачиноның да қосылатыны мәлім болды.
Тарантиноның жаңа фильміндегі оқиға 1969 жылы жазда Лос-Анджелесте болған. Хикаяда ер азамат - табысты бір телехикаяға түскен телевизиялық актер. Ол алға қарай талпынып, нағыз фильмнің түсірілім алаңына тап болғысы келеді. Досы да бағын екінші рет сынап көреді. Бірақ, бұл фильм сюжетінің қосалқы желісі, ал Чарльз Мэнсонның Шэрон Тэйт пен төрт досын өлтіргені негізгі бөлігі болып қала береді.
Аль Пачиноның қандай рөл сомдайтыны әзірге түсініксіз. Бірақ, Марго Робби Шэрон Тейтті сомдайды. Картинаға түсуге қатысты Том Крузбен де келіссөздер жүргізілуде. Тарантиноның жаңа фильмінің құны шамамен фантастикалық 400 миллион долларға бағаланып отыр. Таңдаулы диалогтарымен танымал режиссердің жобасына Аль Пачиноның қатысуы ерекше қызығушылық тудыруда. Аль Пачиноның жұмыстары қазір аса жақсы жүріп жатқан жоқ. Соңғы уақытта оның қатысуымен шыққан таспалар («Өтіріктен де жаман», «Сомали қарақшылары», «Виселица») көрермен көңілінен шықпады.
Квентин Тарантиноның жаңа фильмінің тұсаукесері 2019 жылдың 9 тамызында болады.
пікірлер жоқ, бірінші болыңыз
Пікір қалдыру үшін